þriðjudagur, 24. febrúar 2009

Hættulegir hugarórar....

~~**~~

Dásamlegir túlípanar við fallegu myndina mína nýju, í eldhúsinu.... Túlípanana gaf afi.....
Hindarinnar minnar ......


Henni í konudagsgjöf....

~~**~~

Þá er ég lögst í ferðalög einn ganginn enn.. Það mætti halda að mér þætti þetta gaman en ég hef ekki ferðast svona mikið á einum vetri.... ja bara aldrei. Og ég svo heppin að stýrisbúnaður Heljólfs bilaði í dag svo að ég bíð spennt efir að komast í hann á morgun ( NOT)... Ég verð andvaka í alla nótt og hugsa einungis um það hvað ég geti gert þegar hann sekkur akkúrat á morgun með mig innanborðs... Svona er maður nú geðveikur í hausnum en lætur sig samt hafa þetta helv.....Jamm ég er semsagt að fara á Reykjalund í tékk.... Hlakkar ekki til ætlaði að vera betur undir það búin en ég er... :=( En shitturinn titturinn það verður að hafa það. Finnst ég náttúrulega núna gjörsamlega flæða út um allt með lafandi vömbina í eftirdragi. En það hefur víst hver sinn djöful að draga. Og hafa hann ábyggilega fleiri en ég og verri ef eitthvað er. Svo er það fertugsafmæli mágkonu minnar sem ég ætlaði að vera búin að undirbúa mig með og gera eitthvað skemmtilegt fyrir hana. En ekkert verið gert í því svo það verður þá bara leiðinlegt...:=) Svo verður náttúrulega farið til kvensjúkdómalæknis í borg ótta og myrkurs... mmmm get ekki beðið eftir því það hlýtur að verða alveg dásamlegt...(NOT) En allt er þetta nú sagt svona meira í gríni ég ætla nú líka að reyna að hafa eitthvað skemmtilegt. T.d Versla pínulítið.... suss ekki segja manninum mínum það!!!!Skilst að kápan mín sem fauk sé einskis virði. Fæ hana út úr tryggingum en sjálfsábyrgðin er þannig að ég á kannski fyrir gsm síma hulstri fyrir peninginn sem ég fæ út úr þessu... Ekki klæðist ég því nú á mannamótum þó ég hafi grennst einhvern helvítis helling.:=/. Það verður allavega kíkt eftir nýrri yfirhöfn undir eðlilegum eyðslumörkum... En jæja þetta eru nú mínar hugsanir þessar stundirnar ég heyri í ykkur eftir helgi og vona að þið eigið ánægjulega daga framundan... Vonast til að eiga það líka eftir Herjólfsferðina :=(. Bless í bili Ingibjörg undirmálsmanneskja.

sunnudagur, 22. febrúar 2009

Luckiest woman in the world!!!!!!

Halló everybody!!!
O.M.G....Þegar ég vaknaði í morgun...eða við skulum segja hádeginu því það var þó sunnudagur og konudagur í þokkabót Þá var smá leikþáttur hjá Hindinni minni og mjóa manninum sem ég bý með. Ég kom grútúldin fram og þá fór Hind fram í forstofu í bréfalúguna og náði í bréf merkt mér... Hún sagði Hva bréf á sunnudegi?? Aldrei fæ ég neinn póst!!! Ég kannaðist svo við skriftina en kom henni ekki fyrir mig. Nú nú ég pældi svosem ekkert meira í því en reif upp bréfið og í því var þetta dásamlega bréf frá manninum mínum sem sagði mér að hann væri búin að kaupa fyrir mig miða á tónleika á Wembley með hlómsveitinni Coldplay.....!!!! Eruð þið að grínast Ég hélt hreinlega að fyrr myndi frjósa í helvíti... Nei ég get ekki verið svo vond að hugsa þannig en ég hreinlega átti ekki orð. Og hef ekki verið glaðari.... Ja við skulum segja ALDREI verið glaðari á konudag allavega. Takk dúllan mín. Nú er bara að láta sér hlakka til í allt sumar og njóta þess að vera til því tónleikarnir eru ekki fyrr en í september. En það gerir ekkert til ... ÞVÍ ÉG ER AÐ FARA Á TÓNLEIKA MEÐ COLDPLAY!!!!!
Hér fyrir neðan eru svo myndir náttúrulega af átrúnaðargoðinu og hljómsveit hans Ásamt uppáhaldslaginu mínu með þeim. En það er "The hardest part" og svo titillagið á nýjustu plötunni þeirra sem er tær snilld "Viva la vida" Eigiði góða viku framundan það ætla ég að gera.
Kv INGA yfir sig ástfangna...:=)

~~**~~

Chris Martin..... Jummmy...:=)
~~**~~
Eðalhljómsveitin Coldplay....
Viva la vida

~~**~~

The hardest part

föstudagur, 20. febrúar 2009

Ýmsar nýjar áttir....

Helloj!!
Já Kjellingin fór í skveringu í dag og ekki vanþörf á. Fékk sér nýtt andlit og nýtt hár og reyndi svo að hressa upp á kroppinn með litlum árangri þó, en það mjakast. Fékk mér 10 tíma í Ultratone tæki sem er alveg að drepa mig en ég læt mig hafa það og svei mér þá ef það ber ekki árangur á hinum ýmsu slappari stöðum sem eru hvarvetna á þessum ýturvaxna kroppi.:=)
Hárið fékk ég hjá Hafdísi sem ég var að prófa í fyrsta skipti og var svona helv... ánægð með. Og augabrúnirnar fékk ég hjá henni Fjólu minni sem er að láta mig engjast líka í þessu tryllitæki sínu Ultraeitthvað...Það svona liggur við að maður verði að klæða sig upp og hreinlega fá sér rauðvínsglas eða 12 eftir daginn en ætli ég láti ekki nægja að kítla kallinum. Það mjakast svo í rétta átt nýja herbergi Hindarinnar en guð minn á himni hvað það kom mér á óvart hvað krakkinn á mikið af dóti!!!!Ég hef ekki hugmynd um hvað ég á að gera við þetta allt. Því þegar maður þykist vera unglingur einn daginn og svo mikið barn hinn daginn þá er erfitt að velja hvað á að taka með í hið fullkomna herbergi svo ekki verði um stílbrot að ræða. Ég keypti svo þessa mynd, já þessa yndislegu mynd sem ég var að hengja upp í eldhúsinu hjá mér í dag af fjölskyldumeðlim sem leynir svo á sér því hún er mikil listakona bæði á málningu og svo skartgripagerð...og hún var að koma út úr skápnum með þetta bara fyrir stuttu. Ég þyrfti eiginlega að taka myndir af skartgripunum hennar og fá að sýna hér. En þetta var mitt innlegg í helgina og Tobba mín ég vona að þú sért ánægð með mitt ferska look um leið og ég óska þér og öðrum pokahornsvinum góðrar helgar.
Ingibjörg sem eitt sinn var ung,gröð og rík en er núna bara.... já og ég læt ykkur um að botna þetta.
~~**~~

Fæðing á hinu fína Unglinga/barnaherbergi...
Listaverkið mitt....

sem er algjör draumur.....


augabrúnin mín svo undurfríð....


Jamm alltaf þegar mér finnst ég hafa breytt svo mikið til þá.....


er nú kannski ekki svo mikil breyting after all....But i like it...

~~**~~

þriðjudagur, 17. febrúar 2009

Hörmungar heimilisins.....

Gott kvold gott fólk!!
Jæja þá er kannski hægt að blogga um eitthvað skemmtilegt núna... En viti menn í annað skipti á tveim vikum er ég heima með veika dótturina. Fór of snemma út og leyfði henni að fara í sund á laugardaginn síðasta og uppskar ekkert annað en bullandi eyrnabólgu ,hálsbólgu og háann hita...:=( Þvílík hörmung. Er þar af leiðandi búin að vera heima í gær og í dagog verð áfram á morgun. Ég fór með hana upp á sjúkrahús á mánudagskvöldið þá var hún búin að grenja úr sér þindinni í marga klukkutíma. Og jú allt vaðandi í sýkingu. Fengum pencilin og verkjalyf og og deyfandi eyrnardropa. Nú er allt á réttri leið en ég læri af mistökum mínum og hún fer ekki fet út fyrr en um helgi í fyrsta lagi.... Búið mál. VIð tókum okkur til hjónakornin og ákváðum að leyfa henni (Hind) að skipta um herbergi við bróður sinn þar sem hann er fluttur að heiman og þá vildi hún náttúrulega fá "betra" herbergið. Það voru ákveðnar skoðanir sem hún hafði á þessu öllu saman og við búin að snúast í kringum hana alla helgina og klárast vonandi um næstu helgi að mála allt og gera fínt. Því svart og hvítt skal það vera og ekkert annað. Bróðir hennar kom í heimsókn um síðustu helgi og gaf henni svarta og hvíta púða og svartan og hvítan lampa og 6 svarta og hvíta kassa til að geyma alls konar smádót í... Það fannst henni ekkert leiðinlegt. Nú svo er hún að fara með okkur upp á land í næstu viku og er búin að skrifa innkaupalista sem inniheldur allavega búðir sem hún ætlar í og er ákveðin í að kaupa sér stóra mynd af hesti ( svarthvítum) í svörtum ramma. Segiði svo að hún hafi ekki eitthvað frá mér... Þar á ég við ákveðnina og kaupæðið... :=)Annars er allt í góðu nema kannski það að þvottavélin mín er biluð og jú uppþvottavélin líka. En ég er jákvæð og þvæ í höndunum og vaska upp á gamla mátann. Mikið er það nú leiðinlegt ég var búin að gleyma því... Svo tók ég nú upp á því að taka húsgögn Hindarinnar og lakka þau hvít ( voru furu hvíttuð) dauð sé eftir því þvílík vinna... En ég er jákvæð er núna búin með náttborðið og skenkinn en á eftir himinháa hillu og stóra, stóra kommóðu...:=( En ég verð búin með það innan tíðar því ég er svo jákvæð á þetta allt. Ég held ég biðji að heilsa ykkur í bili áður en ég drepst úr jákvæðni og býð ykkur góðrar nætur.
Ingibjörg undurjákvæða.

~~**~~


Horn úr herbergi trommarans og restin hans af dóti sem fer í geymslu...

~~**~~

Þessi gardína er komin út í tunnu hún er búin að lafa þarna upp í allvega 10 ár....
~~**~~

Mjói minn rosa duglegur....
~~**~~

svart/hvítt...
~~**~~

Púðarnir svo sætir... eru reyndar svolítið silfraðir en bara flottir...
~~**~~

Sætur lampinn... svona píramídi....
~~**~~

Kassarnir koma sér vel hjá stúlku sem engu má henda hjá....
~~**~~

Ógó flottur skenkurinn eftir að hann varð hvítur.... en boring að vinna hann....
~~**~~


Og náttborðið flott líka.....
~~**~~

laugardagur, 14. febrúar 2009

Hilmir Reynisson f 13/12 1961. d 14/.02 1995

~~**~~
Elsku bestasti minn nú eru 14 ár síðan þú fórst... Finnst ekki vera svo langur tími síðan við sátum í Firði og spiluðum Eric Clapton og Santana. Það eru svo margar minningar sem koma upp og ég uppgötvaði að það var á Valentínusardag sem ég fékk hringinguna og fréttir um að þú hafir dáið í hörmulegu bílslysi. Skrýtið hvernig fyrsta hugsun mín poppaði upp þegar ég fékk fréttirnar. : Nú jæja hann hefur þá náð honum að lokum...Eitthvað hefur æðra valdið ætlað meira að nota þig þarna hjá sér en þú snerir á hann í mörg skipti, svo oft sem þú lentir í slysum er manni ómögulegt að skilja hversu oft þú komst klakklaust frá því. Ég sofna ennþá á kvöldin horfandi á fallega brosið þitt leiða mig inn í draumalandið. Eins og á veggnum mínum í svefnherberginu á ég af þér mynd í hjarta mínu og allar góðu minningarnar. Ég sagði á sínum tíma í minningargreininni minni til þín að þín yrði minnst reglulega í góðra vina hópi og það hefur verið gert reglulega síðan. Sofðu rótt kæri vinur. Þín Inga


sunnudagur, 8. febrúar 2009

"Raklett" matarboð og "álfakeppni"...

Sælt veri fólkið...
Það gengur á kvótann hjá manni helgi eftir helgi og er ég nú staðráðin í því að fara að spara hann svo e´g geti verið með rauðvínsglasi í hendi í sumar. EN á föstudagskvöldið héldum við hjónin raklett matarboð fyrir vinafólk okkar og var það bæði ljúft og gaman . Borðuðum dásamlegan mat og skemmtum okkur við ýmsa fáráðnlega hluti... s.s. eins og að fara í sem ég kalla álfakeppni það er nefnilega líka til puðrukeppni og það er svo fyndið þegar er tekin mynd af því þegar maður puðrar. Álfakeppnina van Frikki eins og sjá má hér fyrir neðan á mynd... Hann er hreint óborganlegur á henni. Þá togar maður í eyrun á sér og segir: HÆÆÆÆÆ....( ÝkT) þangað til er búið að taka myndina. Ég er annars búin að vera sófacreep alla helgina og fært mig á milli sófa annað hvort til að lesa, glápa eða tölvast. Það er nauðsynlegt að eiga svona daga. Trommarinn minn hefur verið hér í heimsókn yfir helgina en lítið hefur sést til hans þar sem vinirnir ákváðu að skemmta sér saman á föstudagskvöldið og svo fór hann í 20 ára afmæli í gærkvöldi... Já gott fólk hann lilli minn litli verður 20 ára í maí!!!! Hvar stend ég þá?? jú miklu yngri en nokkru sinni áður. Þannig lít ég nú á hlutina. Gotthjá mér !!! Ég óska ykkur góðrar viku sem framundan er og munið að "rauðvínsglas reglulega gerir engan að alkóhólista"...:=)
Ingibjörg unnandi rauðvíns reglulega...

~~**~~

mmmm... maturinn á leið á pönnuna...

tilhlökkun...


gestirnir ásamt gestgjafanum....



frúin aitthvað að skipta sér af hvernig myndin væri tekin....


Lilja í fortíðarkrísu með Journey...


Mín að D.j ast og" Saga"með The humble stance á dvd...


Gísli að kenna Lilju á feisið...

Og gott fólk hér vann Frikki sér inn þvottavél og þurrkara og bingólottobol!!!

Hahahaha... hreint frábær mynd....


Jó góður en ekki bestur.....hann vann ekki neitt.




Lilja er nú bara sæt svona....


Ingibjörg mín það átti að toga eyrun út.....


Hún hefði átt að vinna eitthvað með þessu....


eða þessu. en hún fær að njóta vinningsins með manninum sínum í staðinn.....

þriðjudagur, 3. febrúar 2009

Og hefst þá fjörið....

.... Og þá er það kvöldið sem allir höfðu beðið eftir. Vorum aftur mætt hjá Hönnu yfirgestgjafa í eitt glas áður en haldið var af stað. Að venju er tekin ein eða fleiri gellumynd af kvenfólkinu. Það var gaman að sjá hvað kallarnir voru hrifnir og rifust um að ná sem flestum myndum. Ég veit þó að hann mjói minn hefði setið sem fastast ef hann hefði verið með. Blótið sjálft var hreint stórkostlegt og þegar ég fór í fyrra þá hélt ég að ekki væri hægt að toppa það, en jú jú mín skemmti sér sem aldrei fyrr og toldi á löppunum til 4... Það var heldur styttra en í fyrra en ég nennti ómögulega að fara í partý á eftir eins og þá. Geri það þó næst er ákveðin í því. Hér fyrir neðan eru svo myndir af kvöldinu og þá sérstaklega mér í hinum ýmsu uppákomum... Merkilegt hvað ég verð alltaf eins og ég veit ekki hvað þegar ég er dottinn í´ða. Það ætti að banna myndatökur :=) ég bið að heilsa að sinni. Ingibjörg athyglissjúka.

Föngulegur hópur á leið á Þorró 2009...
Ég og pabbi sæti ....

Heiðurshjónin Hanna og Halli gestgjafar aldarinnar....

í góðum gír....

Mamma greyið þurfti að vera svona klædd vegna þess að hún var í þorrablótsnefnd... Að öllu jöfnu er hún ekki svona halló....

Heimildamynd af systir minni.....


Aldís og Sigga... Og Guðsteina eins og siðgæðisvörður þarna fyrir aftan....

Frændurnir Ormsson...:=)


Já já Ingibjörg athyglissjúka....

Og þarna líka... Hef örugglega tekið þessa mynd sjálf...:=)


Já fæst orð hafa ........

sunnudagur, 1. febrúar 2009

Freaky friday...

....Og svo var farið í föstudagspartýið sem er orðið víðfrægt í vinahópnum. Mikil tilhlökkun og mikið gaman. Eins og segir í fyrri færslu minni þá stoppaði ég óvenju stutt... man ekki alveg hvort það var vegna veðurs eða einhvers annars...hehe..En allavega tókst mér að taka nokkrar myndir af stórum og góðum vinahóp og þó nokkrum kunningjum. ÞAð vantar ekkert upp á myndarskapinn hjá gestgjafanum henni Jóhönnu sem var að sjálfsögðu með þetta þvílíka hlaðborð af hinum ýmsu réttum... Tók reynar ekki eftir því fyrr en ég var u.þ.b að fara heim til mín og tók þar af leiðandi engar myndir af því. En eitt man ég þó að það leit svo flott út og hefur ábyggilega verið þaðan af betra. Takk fyrir Jóhanna mín en ég komst aldrei til að smakka... Geri það í sumar.. ef ég þekki þig rétt. Ég fékk auðvitað mikin og góðan nætursvefn og svaf fram að hádegi á þorrablótsdaginn en var ekki laus við að finna til fáráðnlegs hausverkjar og þurrki í munni og sviða í maga ( sko að svíða er ég að meina, það voru ekki svið í maganum á mér)...skil þetta ekki, Þetta skeður stundum um helgar hjá mér. Spurning um að láta læknir kíkja á þessa helgarveiki mína :=)en semsagt þetta var föstudagurinn í hnetuskurni. Frmhld. í næstu færslu. Góðar stundir. Ingibjörg ofþornaða.

~~**~~

Vignir og Stefán Þór með Kötu á milli sín...
Ég í djúpum samræðum við Finnu og hennar mann...
Binna,Sigurrós og Billa....í góðum gír


Dagga,Berglind og Daddi þarna fyrir aftan...



1/4 af liðinu sem var þarna þetta kvöld...

Guðsteina með ræðu og er að þakka fyrir afmælisgjöfina sem hún fékk við að verða fertug... hahaha ógeðslaega gömul...

Lilja, SIgga og Didda...

Syndararnir að biðja um syndaraflausn.....(það gekk ekki )

Anna í ógó flottri blússu þarna... Stefán er með pepsi í glasinu...
~~**~~