Vaðið úr einu í annað!

HElloj mæ gúdd pípúl!!

Þá hunskaðist ég nú hér inn en er ekki alveg að fíla mig hér þessa dagana. Hef einhvernvegin öðrum hnöppum að hneppa og gleymi myndavélinni hvert sem ég fer. Lenti samt í þessu fína partíi um síðustu helgi þar sem ég var að þjónusta skemmtilegt fólk og var í þjónustustúlkubúning oa alles.. thí hí og já með marglitann fjaðrakúst meira að segja og hárkappa. Horfi með hryllingi út í garð hjá mér og vildi óska að það virkaði einhverntímann þessi fræga setning.." Hipp hipp hipp Barbabrella" Og garðurinn minn væri jafn fínn og ég sé hann í huga mér. En nei grastorfurnar öskra á mig eins og ég hafi gert þeim eitthvað svo ég öskraði bara á þær tilbaka í dag...:( Hvað er með þetta gras endalaust getur það bara ekki vaxið þar sem það á að vaxa og beðin mín með blómum og búskum fengið að vera bara fín!!??.. Það er eins og allt eigi að ske í maí það sem gert verður í sumar. Gæti haft pakkaðar helgar í skemmtanalífinu ef ég vildi en ætli maður verði ekki að velja og hafna... Ef ég get..:) Næstu helgi verður mikil óvissuferð með grunnskólanum, þangað ætlaði ég nú ekki en fyrst ég er í nefndinni sem sér um þá skemmtun verð ég sjálfsagt að hunskast..Helgina þar á eftir verður Páll Óskar í Höllinni og ég veit það á eftir að röfla í mér að fara þangað þartil ég læt undan.Ég reyni mitt besta til að berjast á móti því!!! En gamlan fór í klipp og lit einn ganginn enn, það er ekki hægt að vera með svona stutt hár það þarf alltaf að vera að rýja mann og ég þarf alltaf að breyta aðeins, klipparanum mínum til mikillar dýrðar og ánægju. Litlu gullmolunum mínum í öðrum bekk fannst ég vera alveg eins og Rihanna söngkona... thí hí nema ég er ekki alveg eins brún og hún!! blessuð börnin!!  EN jæja þetta var nú bara svona röfl til að þið gleymduð mér ekki alveg og já vel á minnst þá á ég eftir að vinna í 20 dag og þá er kjellan komin í sumarfrí ef ég var ekki búin að segja ykkur frá því!!..;)

Bið að heilsa að sinni Ingibjörg hárfagra!!

~~**~~

                                           Pínu þreytuleg þarna gamlan..

                                           Svona fannst stelpunum mínum
                                           í öðrum bekk ég vera alveg eins
                                           Rihanna...hahaha.. Dásamlegar
                                                          

                                       Lét raka enn hærra þarna megin..

                                             Og í svona spíss að aftan

                                            ~~**~~

Sumarið er tíminn!!

Heil og sæl. Það er að koma sumar, mikið er það nú gott. Farin að lyftast á manni brúnin og maður farin að láta sér detta í hug að fara í garðinn og reyna að tæta þar eitthvað og trylla..5 vikur í sumarfríið mitt mikið skelfing hlakkar mig til að fara í frí. Ætla að dingla mér hér í eyjunum fram að byrjun júlí en þá liggur leiðin austur á bógin í minn ástkæra Seyðisfjörð þar sem verður staldrað við í um 2 vikur. jább í styttri kandinum í þetta skiptið. Varð hugsað um sumarblóm um daginn svoleiðis að ég ætla í þetta skiptið að fá að njóta þeirra því í fyrra þegar ég var svona lengi fyrir austan þá voru þau bara dauð þegar ég kom til baka því ekki var karlpeningurinn á heimilinu að hafa fyrir því að gá hvort þau vantaði vatn..:/ Ég er ekekrt fyrir lifandi blóm innandyra nema afskorin þau finnst mér alltaf jafn falleg.. Kaupi mér einstöku sinnum vönd af einhverju fallegu en sjaldnar núna þegar maður þarf orðið að selja úr sér nýra til að getað gert nokkurn skapaðan hlut. En ég er alveg hrifin af gerviblómum líka reyndar ekki þeim sem bera einhver blóm nema kannski hvít þá. Ég er með nokkuð að þeim hér inni og það er svo hentugt að geta frekar þurrkað af þeim stöku sinnum heldur en að vökva þau reglulega  og koma svo kannski heim úr fríi og allt liðið dautt hangandi út úr pottunum. Þetta er sumarkveðjan mín til ykkar bara svona af því ég hafði ekkert annað að segja.  Ég óska ykkur góðrar helgar. Bless bless Ingibjörg blómabarn..

~~**~~

Sum eru læst inni í búrum!!

sum láta sér leiðast í járndósum..

og önnur hangandi fram af hillum!!

og enn önnur ofan í glervösum..

                                                             þau eru hangandi um allt hjá mér

                                                              já og ekta svona með í bland..                                                                              ~~**~~

Páskar og sitthvað fleira!

Þessi bíða eftir að vera borðuð sem desert í kvöld...;)

~~**~~
Já góðan daginn og gleðilega páska öllsömul. Hér hef ég ekki komið inn í dágóðan tíma og ætla því að bæta úr því hér og nú. Margt og mikið hefur á dagana drifið en allt af hinu góða. Skruppum til Rvk við mæðgurnar um daginn, ég í smá læknastússi nema hvað. Og Hindin á leið sinni austur á land þar sem hún eyðir páskunum með ömmu sinni og afa. Mikið er nú gott að vera í páskafríi hef engu nennt sem kannski er ekki af hinum góða en ég tek mér taki eftir páska. Það má vera latur á þessari helgi. Við mæðgur sjoppuðum smá í stórborginni og það eru myndir af því hér fyrir neðan nema fötin sem Hindin keypti sér þau fór hún með með sér á austurlandið. Hún er klárlega með kaupæðargenin frá móður sinni en ég læt henni þau eftir með glöðu geði þar sem ég held ég sé eitthvað að slappast í þessu. ÞAð er nú heldur ekki endalaust hægt að vera að þessu og ekki eins og þessi handónýta króna er..:( Hér er páskadagur þegar þetta er ritað og mallar hamborgarahryggurinn yfir hægum eldi í maltlegi og verður ekekrt til sparað af meðlætinu og hlakka bara til að borða í kvellarann. Ætti satt að segja að fara í göngu fyrir eða eftir kvöldmat svo ég fái hreinlega ekki hjartaáfall úr hreyfingarleysi. Já skil ekki alveg þetta sinnuleysi í hreyfingunni þar sem ég er á sterkum 10 daga sterakúr núna og svitna til dauðs aðra hverja mínútu og sef ekki nema klukkutíma og klukkutíma í senn... en það eru bara 4 dagar eftir svo það verður gott að losna við þann fjanda úr boddíinu. Finn hvernig ég bólgna öll í andlitinu við þetta og það er ekkert spes!!! En jæja nóg um þetta ég vona að páskahátíðin fari vel með ykkur öll og étið sem mest með glöðu geði og takið bara á því eftir helgi!!! Luv ya

Ingibjörg steratröll.

~~**~~

Keypti mér þennan silfurbakka..

Og kertin...

Og þessa litlu sætu...??? og setti litla sæta rós í hana!

Pínku rómó er það ekki???

~~**~~

Hindin keypti sér þessa kúluðu mynd..og púðana

fyrir átti hún rúmteppið og lampa í stíl sem ekki sést!

ÞAð er nú ekki alltaf svona fínt skrifborðið hennar. ÞEnnan sæta spegil fékk hún í jólagjöf frá Sjonna og Sollu í fyrra en hann var gylltur í upphafi og hefur nú fengið svartan lit í stíl við herb.

Listaverkin hennar setja svip á annars svart þemað...Hún er nokkuð lunkin stelpan að mála og teikna!

~~**~~

Önnur flott listakona

Sæli nú!!!
Ég velti því fyrir mér hvað er ljótt að skilja útundan og ákvað þess vegna að blogga um aðra mér nátengdri konu sem er svo mikill listamaður í sér, en á öðrum sviðum. Þar sem ég bloggaði um hana Kollu mágkonu mína síðast þá ákvað ég að blogga um hana Siggu bestustu frænku mína sem býr í Hveró og er hún föðursystir mín. Hún er svoooo mikil og flott saumakona og gerir svooo flottar brúður ja og tuskudúkkur og þá aðallega jólasveina og snjókalla. Það er hrein unun að koma til hennar fyrir jólin og langar manni helst að flytjast búferlum til hennar yfir þann tíma. Allt morandi í jólafígúrum af öllu tagi. En einnig hefur hún gert ýmislegt annað s.s þessi undur fallegu hjörtu sem eru hér fyrir neðan. En þau bjó hún úr gömlum borðdúkum frá mömmu sinni og þá ömmu minni væntanlega. Hún gaf mér þessi sem eru á myndunum hér fyrir neðan og eru þau í svo miklu uppáhaldi hjá mér. Bæði að hún skyldi gera þau og gefa mér og líka það að þau skuli vera úr gömlum dúkum frá mér svo hjartkærri ömmu. Ég á líka eftir hana nokkrar tuskudúkkur en þær eru allar komnar ofan í kassa þar sem þær tengjast jólunum en eiga sinn stað hér alltaf á hverju ári..;)... En í allt annað ég finn á mér að vorið er að koma. Lóan er komin, Tjaldurinn er kominn... já það liggur þessi lykt í loftinu. Er þá ekki komin tími til að fara að leggja land undir fót?? Þarf að skreppa upp á land í næstu viku og vona ég þá að það verði ánægjuleg ferðin með Mister Gubbólfi... Læt í mér heyra innan tíðar. Verið þið sæl að sinni!
Ingibjörg frá Antartiku.

~~**~~

Sæta frænkan mín í Hveró!

Við á góðum degi hér í Eyjum 2010

Þessi er æði finnst hann svo flottur

Jólasveinki og jólasveinka

Snjókallarnir flæða um húsið í öllum gerðum og stærðum...

þetta er eldhúsglugginn hjá henni
Og þetta er bara sýnishorn af öllum fígúrunum.;)

~~**~~

Fallegu hjörtun

~~**~~

´Sönn saga um engil!!!

Fallega englakúlan!!

Vigdís Hind keypti þessa litlu sætu englakúlu fyrir jólin á 290 krónur og var svo ánægð með hana
.Henni var stillt upp í herberginu hennar um jólin og dáðumst við af henni. Um mánuði seinna vaknar hún um miðja nótt við eitthvað hljóð og sér þá að þessi litla kúla gefur frá sér fallegt ljós... Hvaðan kom ljósið??? og við hvað vaknaði hún??? Daginn eftir sýnir hún mér þetta og jú mikið rétt það var svo undur fallegt ljós inní kúlunni við fórum að skoða þetta nánar og sjáum að það var hægt að kveikja á henni en hvar??? það fundum við ekki út. Þessi litla fallega englakúla lýsti áfram í um mánuð án þess að okkur tækist með nokkru móti að slökkva á henni og fundum hvergi neitt þar um að hægt væri. Þetta segir okkur bara það að það eru til englar og engill sem lýsir henni út í framtíðina...Okkur er alveg sama hvort þetta er væmin saga en sönn er hún.

Sýnishorn af listakonu!!!

Gott kvöld. Já maður gerir ýmislegt til að halda sér vakandi svona á laugardagskvöldi.... ákvað að taka smá Kollu mágkonu þema í kvöld og taka myndir af flottu mununum sem hún er að hanna. Ég á svolítið af þeim sem hún þó aðallega hefur gefið mér. Hún er með hreindýra og Hjartaráráttu en núna síðustu misseri hefur hún verið að gera Heimaey úr plexigleri sem er mjög flott og svo flott gjöf. Það má nota þann platta fyrir ostabakka eða sushi... En ég tými því ekki og er með minn upp á vegg í eldhúsinu. Hún gerir bæði stóra og litla í þremur litum. Rauðum, svörtum og hvítum... Tengdamamma á einn stóran sem er svartur og mig langar svo í svoleiðis... thí hí þá er ég búin að koma því til skila. Eins þessi flotti kertastjaki hér fyrir neðan af Hirtinum hann er æði og á Hindin mín hann eiginlega en ég passa hann þangað til hún flytur að heiman með hann. Einu sinni vann hún með smíðajárn og gerði hún þá margt flott t.d gaf hún Hind flottan borðlampa í skírnargjöf. Og svo fengum við mjói minn í jólagjöf æðislegan rúmteppastand sem ég þó nota í annan tilgang. Eins og er allavega... Eitt er ég ekki með mynd af þar sem það tilheyrir jólunum og hef gengið frá og það eru litlir hjartar,Hindar og hreindýrahausar úr plexigleri sem annað hvort má setja á jólatréð eða bara að láta hanga einhversstaðar. Þeir eru í rauðum borða og ég á 4 sem eru hvítir en hún gerði þá í fleiri litum!!
Ég læt þetta duga að sinni og hér fyrir neðan eru svo myndir af þessum flottu vörum hennar!!!
Eigið gott kvöld.
Inga Úfna!

Listakonan Kolla mágkona!

Flotti kerta- Hreinninn

Þessi er algjör gullmoli gerður úr þykkum vír. Frekar stór og hornin skaga fram eins og í þrívídd... En vont að sjá það á myndinni... Þessi er uppáhald hjá mér!!

Flotta Heimaey úr plexigleri ca 30 cm löng

Borðlampinn hennar Hindar og það sem er skemmtilegt við hann er að hann er með járnplatta sem grafið er í nafnið og dagurinn þegar hún var skírð en sést því miður illa á myndinni!

Rúmteppastandurinn flotti sem ég nota meira sem skógrind í svefnóinu og svona til punts!!


~~**~~

Svo fer þetta nú að verða fínt!!!

Komiði sæl.
Enn og aftur var síðasta helgi tekin í að hvítlakka sem mest ég mátti. Og kom það bara vel út . Að þessu sinni var það baðinnréttingin. Finnst ég alveg eiga nýtt baðherbergi núna. Þá er ég nú búin að lakka alla furuna hér innandyra en var þó að spá í nokkra smáhluti sem kannski verða teknir og færðir í nýjan búning um helgina. Var voða upp með mér að vera boðið að sýna húsið mitt í næsta Húsi og Híbýli... En eftir nokkra umhugsun þá sagði ég nei. Það kom mér nú nokkuð á óvart þar sem ég hef nú alveg athyglisssýkina í það. Þá er ég ekki að segja að allir sem sýni húsin sín séu með þá sýki en ég er þannig og það kom mér verulega á óvart að ég skyldi ekki vera til í það. Kannski ekki of örugg með mig í þeim efnum að finnast húsið mitt eitthvað eftirsóknarvert til sýninga. En hver veit kannski er hér eitthvað sem öðrum þykir fallegt en bara mér. Ég ég ákvað að hafa það áfram bara fyrir mig og mína... Ég set hér innan sviga( kannski seinna ef þetta býðst aftur)..;) En hvað um það. Enn og aftur er helgin að renna upp og er það ágætt. Ég ætlaði nú ekkert að minnast á veðrið en get samt ekki leynt vonbrigðum mínum að það skyldi fara að hreyta leiðindarsnjókornum aftur. ég var alveg komin í vorfýlinginn... En maður mátti svo sem segja sér það að það væri ekkert bikiniveður á næstunni... Enn er nú leiðinlegasti mánuðurinn eftir.... MARS...:( Ég stalst til að fá "lánaðar "hér tvær myndir sem ég held að allavega önnur komi frá Ómari Boga og hin frá Tóta Ripper og eru svo fallegar af firðinum mínum... Njótið og eigið góða helgi..
Inga ekki svo ákveðna!!

~~**~~

Fjörðurinn minn

aðeins farið að sjást til sólar

Og á dimmu vetrarkvöldi!!

Baðinnrétting fyrir og eftir



...........

...............

........................

..............................

~~**~~

Hár í öllum regnbogans litum og Meira hvítt!!

Gott kvöld... Þetta verður stutt og laggott ég er svo syfjuð. Var andvaka í nótt og verð hreinlega að fara snemma að sofa en ætla þó að leyfa klukkunni að verða 20:00..;)
Tók mig til um síðustu helgi og hvítlakkaði aðeins meira en facebookvinirnir eyðilögðu stemminguna fyrir mér með því að kvarta yfir því að ég nennti ekki að hvítlakka skápinn hér fyrir neðan að innan!!!! Svo ætli ég druslist ekki til þess í náinni framtíð en fyrst er það þó baðinnréttinginn. Ætla samt ekki að byrja á henni fyrr en um helgi. Þvílíkur munur á húsgögnum sem voru orðin þreytt að geta lakkað þau. Þau eru eins og ný og jú allt verður svo miklu bjartara yfir að líta. Við mæðgur fórum líka í hársjæningu á föstudaginn. Hún í smá klippingu og svo leyfði ég henni að fá nokkrar rauðar strípur sem hún er svo alsæl með. ég fór úr bláa litnum yfir í plómulitaðann með þessu dökka og er alsæl með það. Fékk mér líka þannig klippingu að ég get skipt um hárgreiðslu á marga vegu. Hentar mér mjög vel þar sem ég nenni ekki að vera alltaf eins um hausinn, finnst svo gaman að breyta um reglulega. Hér fyrir neða eru myndir af okkur mæðgum og síbreytileika hársins sem er gaman. Þar fyrir neðan eru svo myndir af "nýja" skápnum og baðinnréttingunni sem verðum alhvít um helgina.
Kveð að sinni . Ingibjörg óútreiknanlega!!!

~~**~~

Hárið okkar

Flotta hárið hennar Hindar

Sæt klipping og pæjuleg.


gamlan með plómulitinn

get greitt það svona..

og svona...

Og svona...;)

og svona...

og svona....:)

~~**~~

Baðinnréttingin fyrir lökkun

.......

Hlakka til að sjá hana fullgerða!

Skápurinn fyrir lökkun...

eftir lökkun...

með geisladiskastöndunum...

...............