Páskar

Heil og sæl öll!!
Loksins segja sumir og detta mér þá nokkur nöfn í hug....:D Ég er orðin svo löt við þetta blogg en það kemur inn öðru hvoru. Þið verðið bara að láta það duga..;) Gott að vera í fríi núna í 10 daga þó svo að það sé nú farið að síga á seinni hlutann. Ég gerði þó alveg heilmikið í fríinu svo sem að taka stofuna í nefið. Verð alltaf jafn hissa þegar kemur að því að kíkja í skápa og skúffur og sé hvers konar rusli maður safnar. Allt frá hálfbrunnum kertum og gömlum þurrskreytingum upp í forljótt drasl sem mér fannst einu sinni svo flott. Sá það að ég átti aldrei eftir að stilla því upp svo ég henti því. (Heyri móður mína garga núna.) Hún límir frekar saman það sem brotnað hefur og stillir því bara upp aftur... Já nei takk ekki ég!!! Er svo ánægð að hafa drifið í að mála stofuna og létta aðeins á henni ,fækkaði um eins og einn borðstofuskáp sem ég veit núna ekkert hvað ég á að gera við... Finnst hann enn flottur en langaði samt að losna við hann úr stofunni svona til að létta á. Síðan hefur maður legið reglulega um allt hús og lesið, étið og drukkið. Hlakka bara til að fara í rútínuna aftur sem verður þó ekki nema um mánuð því að þá hefst sumarfríið. Þarf að finna mér eitthvað annað en að lesa og éta þá..:)
Hér fyrir neðan eru myndir af nýmálaðsri stofunni ásamt ýmsu öðru svo sem þessu pínkulitla páskaskrauti sem ég stylli upp... Finnst gulur ljótur litur svo það er í algjöru lágmarki..:/
Gleðilegt sumar öll og gæfan veri með ykkur. Kv Inga alls ekki svo ofurfrek en samt..

Fína stofan

Ofurlitla páskaskrautið mitt
~~**~~

Fannst þessar svo dúllulegar að þær fá að vera í eldhúsinu í nokkra daga!!!

~~**~~

Höfðum voða fínan mat á föstudaginn langa

rækjukokteil

og folaldalund með steiktu grænmeti og bökuðum!!

~~**~~
Kjellan verður nú að fá að monta sig af nýja kjólnum og skónum og jakkanum

þennan kjól keypti ég og ætla að vera í honum í brúðkaupinu hjá Gústa bro í sumar..Leðurjakkann var ég að fá frá mamms og pabbs í afmælisgjöf..:)

~~**~~

Mæðgurnar á leið í fermingarveislu!!

KJellan með nýju gleraugun... mætur maður hér í bæ kallar mig núna Ingu framrúðu!!!...;)

Að ógleymdri dásamlegu nýju kápunni sem mjói minn gaf mér í 45 ára afmælisgjöf

Já ég veit ég á ekki afmæli aaaaaalveg strax en varð engu að síður að fá þessa kápu þar sem ég held að ég myndi ekki hafa það af án hennar... Sumir kalla þetta frekju en það er allt í lagi ég verð seint talin annað..;)

~~**~~

Árshátíð!!!!

Góða kvöldið þetta kalda og óskemmtilega mánudagskvöld. Úti er snjóhríð mér til mikils ama. Var að vona að vorið væri á næsta leyti!!!...:(... Að baki er hin fullkomna helgi með miklum hlátri og frábærri árshátíð Grunnskólans þar sem ég var í skemmtinefnd og skreytinganefnd. Mikið var um dýrðir frábær skemmtiatriði og var síðan endað með flottu diskóteki... Þegar því var lokið um kl 02 Lá leiðin í Höllina þar sem Reiðmenn vindana með Helga Björns í fararbroddi lék fyrir dansi. Maður tók náttúrulega allann pakkann á þetta og skrönglaðist ekki heim fyrr en um 04. Það var gott að skríða upp í eftir mikin dans og hamagang. Ætlunin er að taka pásu frá öllu skemmtanahaldi hér á bæ allavega fram að páskum. Það er búin að vera hálfgerð vertíð hjá manni í þessu undanfarið. Ég hef svosem ekki mikið annað að segja í bili en óska ykkur bara góðrar vinnuviku..;)
Ykkar Ingibjörg í útrás!!!

~~**~~

Það var náttlega tekin allur pakkinn og farið í klipp , lit og greiðslu!!

Bara sátt!!!

og knallstutt!!!

voða fín í 500 króna kjólnum mínum!!!

Svona voru borðin dekkuð á árshátíðinni!!! minimalísk í hvítu og glæru!!!

Skreytingin á matborðinu!!!

Nefndin tók svo á móti öllum í " Prom"kjólum og vísaði fólki til sætis...

fyrsta er að nefna Elísu!!! í einkar ljósbláum kjól!!!

þá er það Anna Lilja í kjól af ömmu sinni!!!

Og ég í kjól frá Ameríkunni "Prom"

Ágústa í brúðarkjólnum mínum!!!...:)

Kata í kjól af Ömmu Önnu Lilju!!!

Óla Heiða í "prom"kjól af Önnu Lilju!!!

Bryndís í kjól af mér!!! sem ég saumaði einu sinni fyrir síðkjólakvöld á leikskólanum þegar ég vann þar!!!

Eyþór Ingi sæti kom svo og söng fyrir okkur nokkur lög... Sló algjörlega í gegn!!

Bara flottur!!!

Blogg eða ekki blogg..

Góðan og gleðilegan dag þennan fagra laugardag. Yndislegt veður á eyjunni og sólin skín sem aldrei fyrr. Mér segir svo hugur að vorið sé í nánd og verð ég óendanlega glöð þegar það brestur á. Hef setið í nokkra daga og
velt fyrir mér hvort ég hafi eitthvað að blogga um... Svo er ekki, en það er alltaf hægt að tína til eitthvað. Fann hér eina mynd sem er hér fyrir neðan af mér áður en ég fór í aðgerðina frægu og svo aðra af mér eins og ég lít út í dag. Ég verð reglulega að minna mig á að einhver breyting hafi orðið á kellunni og þessar ættu að segja allt sem segja þarf. Er rosa glöð með árangurinn þó að ýmsir kvillar hafi verið að angra mig síðan en það er dropi í hafið miðað við sem áður var.

Útlitsbreyting ...

hmmmm já smá!!!...:O)

Engin gleði í augunum og þreyttust í heimi...:(

~~**~~

Tók þesar fallegu myndir úti á svölum hjá mér áðan Þetta er eini snjórinn sem komið hefur í allan vetur og ér ég því óendanlega fegin. Austanáttir í kortunum á næstunni svo að þetta verður farið innan tíðar.

Á svo myndarlega dóttir sem tók sig til og prjónaði þessa fallegu lopapeysu á Yasmín í handavinnu í skólanum...


Alsæl í nýju peysunni

~~**~~

Verið góð hvort við annað

og elskið friðinn

Ingibjörg íturvaxna!!

Eitt og annað!!!

Góðan daginn... Er í smápásu í tiltektinni þennan laugardaginn. Mikið djö.. er leiðinlegt að þrífa. Venst því bara aldrei. Veit ekki hvert tuskubrjálæðisgenin hennar mömmu fóru. Allavega ekki í okkur systur. Kannski í bróðir minn..Er aðeins farin að velta fyrir mér sumrinu og að reyna að skipuleggja það. Eitt er allavega víst að austur verður farið en hvenær það er á huldu greyinu ennþá. En allavega er bróðir minn að fara að gifta sig þann 23 júlí og þá verð ég allavega þar. Er meira að segja búin að kaupa mér dressið fyrir þann fagnað. Féll gjörsamlega fyrir þessum kjól sem er hér neðar á síðunni en vantar skó við hann... Það er nógur tími til að leita að þeim. Skilst að systir mín sé einnig komin með dressið svo að einhhver er spenningurinn hjá okkur. Eða kannski bara svona fegnar að hann sé gengin út og komin í hnapphelduna..:O)...
Skítafýlu veður hér alla daga rigning fyrir allan peninginn dag eftir dag og rok. Sonurinn og systursonurinn halda manni við efnið um að elda mat hér alla daga og oft á dag þar sem þeir eru svo duglegir að vinna. Vaktirnar eru 8 tíma og mér líður eins og gamalli borgfirskri sveitakjellu sem þarf að vera að þvo og elda allan fkn&%# tímann. En þetta stendur stutt yfir og það ætti ekki að drepa mig. Uppgripin góð fyrir peningalausa unga menn. Jæja ætli sé ekki best að halda áfram leiðinlegustu iðju í heimi... ÞRÍFA... svo ég geti haft það huggó í kvöld með mínum heittelskaða. Gangið hægt um gleðinnar dyr þið sem eruð að fara á djammið og þið sem ætlið að hafa það huggó eins og ég njótið í botn!!!
Heilsur á línuna
Ingibjörg eigi svo þrifna!!

~~**~~

Vá hvað ég féll fyrir honum... og var ekki dýr sem er orðið undrunarefni í dag..

Væri til í þessa við en langar samt heldur meira í bandaskó í svipuðum stíl..

Þessir eru krúttlegir líka...

Og þessir myndu sóma sér vel á mér... Þessa skó er alla hægt að fá í

Kosítas..

Háskaför með Herjólfi og hár!!!

Oj, Oj og aftur oj!!

Komiði sæl!!

Jamm einhvernvegin lengist bilið á milli þess sem ég skrifa. En á endanum kemur nú eitthvað... Búið að vera hér skítabræla á eyjunni í fleiri, fleiri daga og er þetta nú bara alveg að verða fínt. Þetta byrjaði allt á að maður fékk það óþvegið hér fyrir um viku þegar gerði vonskuveður og kofinn hristist allur og skalf... Endaði með því að tvær stenilplötur af vesturhlið hússins flettust af og bílhurðin fauk upp og allt í tjóni...Man bara ekki eftir svona leiðinlegu veðri á Fjólugötunni í þau tólf ár sem við höfum búið við hana. Ég þurfti síðan tveimur dögum seinna að fara til Rvk í smá aðgerð og fór með Herjólfi seinni ferð á miðvikudegi sem var ágætisferð.Morguninn eftir var ég hármódel fyrir dóttir vinkonu minnar uppi í Tækniskóla og leyfði henni heldur betur að dedúa við mig og kom eins og unglamb með smá pönk ívafi frá henni... (rosa ánægð sko) Takk fyrir þetta Anna Ester mín þú veður algjör snillingur að námi loknu ef þú heldur svona áfram... En viti menn á meðan ég lét mér líða vel þarna í stólnum hjá henni þá var hringt í mig og mér sagt að búið væri að fresta aðgerðinni um óákveðin tíma þar sem eitthvert tæki sem nota átti á mig væri bilað...:( Ég brjálaðist... Jú það má segja það... Að hringja svona morguninn áður að segja mér þetta var algjör skandall. Það er eins og þetta fólk haldi að maður búi í næsta húsi. Ég sagði aumingja konunni þetta og henni fannst þetta voða leitt... Ég sagðist skyldu nú ætla það að henni þætti það. Það væri nú það minnsta sem henni þætti. Hún sagðist hafa reynt að hringja í mig en ég ekki svarað... Og viti menn jú hún hafði það á meðan ég var í Herjólfi. Mér finnst lágmark að manni séu allavega gefnir tveir til þrír dagar þar sem maður býr úti á landi... En hvað um það það þýddi bara eitt að ég þurfti að hunskast heim aftur í kolvitlausu veðri suðaustan 22 m stóð á skiltinu í Þrengslunum... :( Mig hlakkaði ekki til Herjólfs... Ég var nýlögst í kojuna þegar ég dauðsá eftir að hafa farið... Þvílík hörmungarferð upphófst sem stóð í 4 tíma og ég í lausu lofti á milli koja alla leiðina eða að reyna að skorða mig af til að fljúga ekki út á gólf sem ég nú samt gerði og ælubakkinn á eftir mér... Ég var þó ekki sjóveik sem betur fer... En hrædd var ég fyrir allan peninginn..:(..Hefði fengið 10 fyrir fimleikaæfingarnar sem ég stundaði þessa fjóra tíma og er enn með harðsperrur eftir að reyna að halda mér kyrri.... Ég er búin að ákveða að fara aldrei aftur með skipinu í febrúar. ALDREI!!!!!. Ég komst einhvernvegin heim til mín titrandi og skjálfandi á bílnum. Þar sem ekki var þurr þráður á mér þegar ég kom heim þá skreiddist ég í bað, raðaði í mig róandi lyfjum og skreiddist þaðan upp í rúm gjörsamlega búin á því!!!Fór í millitíðinni inn á veður.is til að gá hvernig veðrið væri og þá voru suðaustan 33 m...:( Ég veit núna hvernig það er að vera á skipinu þegar VONT er í sjóinn, hélt ég væri búin að því einhverntíman en svo var ekki fyrr en nú. Ég vona að ég eigi ekki eftir að lenda í svona aftur... Eða ég ætla ekki að lenda í svona aftur.... Þetta er nú það eina sem ég hef um að tala núna það kemst eiginlega ekkert annað að hjá mér.. Það er ekki gott að vera hræddur og gráta aleinn í einhverjum ógeðsklefa niður í einhverju skipi. Bless í bili...:(

Ingibjörg ofurhetja!!!

Before

After

Heill hafsjór af minningum!!!

Sæl öll sömul...
Margt og mikið hefur skeð í lífi mínu að undanförnu. Búin að vera lasin fyrir allan peninginn og var frá vinnu í dágóðan tíma... Þetta er sem betur fer allt á uppleið aftur. Það er ekkert eins vont og að vera lasin á líkama og sál. Ein mín besta vinkona sem er mamma minnar bestu vinkonu lést á dögunum og dreif ég mig því austur á Seyðisfjörð til að fylgja henni til grafar. ÞAð var falleg athöfn og langar mig að segja bara skemmtileg líka, eins og hún Gústa mín var sjálf. Ég á eftir að sakna þess að geta ekki farið til hennar á sumrin eins og ég gerði alla tíð eftir að ég flutti, til að hlusta á þusið í henni og hlæja dátt með henni. Hún var yndisleg kona í alla staði sem átti þó ekki þrautarlaust líf. Aðra eins elju og þrautseigju í einni manneskju hefur maður varla kynnst. Ég veit að nú situr hún í gullstól með vinum og vandamönnum og heldur áfram að hlæja og þusa...:O) Ég flaug austur og til baka og hef ég ekki flogið innanlands í mörg ár. Sem betur fer var gott að fljúga því að síðast þegar ég flaug var ég rétt búin að fingurbrjóta manninn við hliðina á mér svo hrædd var ég. Ég komst að sjálfsögðu ekki alla leið til Eyja sama dag því það er orðið munaður að komast hér á milli lands og Eyja þegar manni hentar. Annað hvort vegna veðurs eða annara vandamála sem þetta fyrirtæki finnur uppá...:( ...Gott er að vera byrjuð að vinna á fullu aftur og að halda heimilinu í skefjum ég finn til með fólki sem ekki getur vegna veikinda af einhverju tagi getur ekki lifað lífinu sem skyldi. Ég er heppin manneskja að vera heilbrigð á sál og líkama að langmestu leyti. Ég læt hér staðar numið í bili og óska ykkur fljótlegs febrúarmánaðar..:O)
Kv Ingibjörg alheilbrigða.

~~**~~

Vinir og ættingjar Gústu hittust á góðri stundu

...og þá skiptust á skin...

...og skúrir.

ÞArna er þessi fallega fjölskylda samankomin á árum áður

Gústa, Steini og Gúa
.

Gústan mín svo fín á þessari mynd..

Í fallegu athöfninni...

og svo inni í kirkjugarði...

Og Gúan mín horfir til himins. og þakkar fyrir allt og allt og það geri ég líka

~~**~~