Alein og vinalaus í borg óttans :=) (NOT)

... Þá er maður nú komin í höfuðborg Íslands einn ganginn enn. Það sagði við mig góð vinkona áður enn ég fór.*mér finnst ég alltaf vera að kveðja þig.. farðu nú að hætta þessu* Já já þessu fer nú senn að ljúka en þetta er djöfullinn sem maður verður að draga á eftir sér ef maður býr út á landi og vill fara í bumbubolluaðgerð... Mér líður vel að öllu leyti og hlakka til að byrja á öllu upp á Reykjalundi . Þar var gott að vera og ég býst við að það verði þannig líka núna. Ég fór með Herjólfi í morgun og var svoooo syfjuð þegar ég var komin í koju að ég náði að skrifa fáein orð í krossgátublaðið sem ég kaupi mér alltaf þegar ég fer með skipinu að ég sofnaði og dreymdi yndislega drauma um betri tíð með blóm í haga. (NOT) :=) Þegar í Þorlákshöfn var komið var þar hið versta veður snjókoma og blint..jöökk... Þetta fór svo skánandi eftir að nær dró borginni og ég brunaði þess vegna á nánast löglegum hraða beint til bróður míns og er búin að vera þar í góðu yfirlæti í dag. Á að mæta kl 8:00 í fyrramálið á lundinn þarna á Reykjunum... Hér fyrir neðan eru myndir frá laugardeginum þar sem ég hélt ég væri svo vinamörg að ég setti á eina snotra og sykurríka piparköku og svo ost, kex og vínber. En öllum var greinilega sama þó að ég væri að fara nema Önnu Lilju, svo ég sat uppi með kökuna sem við fengum okkur sitthvora skeiðina af og viti menn ég hélt henni niðri eða uppi, eftir því hvernig á það er litið... þó ég ætli nú ekki að fara að leggja í vana minn að éta svona alla daga.
En ég fór með restina til Anniku vinkonu þar sem er fullt hús af fólki alla daga svo hún er betur sett þar. En þið öll!! ég reyni að leyfa ykkur að fylgjast með mér af og til. Veit ekki hversu dugleg ég verð að blogga en þið bara gáið af og til... Svo er ég nú að nálgast 10.000 heimsóknir það verður að halda upp á það með einhverju móti. Ekki hrynja í það , það má ekki. Ekki fara að fá sér að éta , það má ekki heldur. Ætli ég fari þa´bara ekki út að skokka í tilefni dagsins!!!(NOT)
En ég heyri í ykkur fljótlega minen liberlings!! kv. INGA



Þetta hefðuð þið nú fengið með kaffinu á laugardaginn ef þið hefðuð komið til að kveðja mig....Þarna er piparkakan fræga sem ég gaf uppskrift af fyrir nokkru...

Eina vinkonan sem langaði að kveðja mig... hmm.. já já..

... Og hennar yndislegi pun... þennan dreng þarf að klípa reglulega í kinnarnar hann er svo mikil dúlla...