Nýr kjóll og nauðsynlegur svefn...

~~**~~

Góða kvöldið... !!! þið sem ekki eruð farin að sofa.
Helgin búin að vera dásamleg og ég örþreytt eftir það allt saman. Ég skil núna hvað læknateymið mitt á við þegar bannað var að vinna í allan þennan tíma. Ég byrjaði að vinna á fimmtudaginn og þurfti að leggja mig þegar heim var komið. Föstudagurinn var eins, ég lagði mig þegar heim var komið. Laugardagurinn var svo buisy... að ég komst ekki til að leggja mig . Fór á skólasýninguna og í framhaldi af því í stúdentaveislu og í framhaldi af því í óvissuferð með kennurum og starfsfólki grunnskólans. Ég dó úr þreytu um 11 leitið og þá kom bjargvætturinn maðurinn minn og hentist með mig heim og henti mér í bælið. Ég svaf til hádegis í dag og lagði mig í tvo tíma seinnipartinn. Og ég er ekki að grínast að nú er kl 0:24 og ég farin að geispa... Einhverjar af commentlady-unum vildu endilega fá að sjá nýja kjólinn minn og verð ég að verða við þeirri beiðni. Þið megið ekki halda að ég sé að deyja úr egoisma þó ég sé náttúrulega að deyja úr monnti yfir því hvað gengur vel. En það er ekkert að marka ef ég hefði tekið mynd af kjólnum hangandi á slá. Svo að ég og mjói minn fóru í myndaleik og hann tók þessar myndir af mér... Þið ættuð að sjá myndirnar sem ég tók af honum... fjútt fjújú...( á að vera flaut) :=) thí hí.. En elskurnar eigiði indæla viku sem framundan er ég ætla að reyna að halla mér ekki upp að neinu (svo ég sofni ekki) kannski kemst ég þá skammarlaust í gegnum vikuna. Tjingeling. Ykkar INGA.

~~**~~

Sést nú kannski ekki alveg hvernig hann er af því að hann er svartur en það eru tölur 3 stk svolítið stórar framan á honum... ( æ guð almáttugur sjáiði hangivöðvana mína þetta lafir orðið niður á hné) jæja what a hell það má alltaf skera það í burtu síðar:) ( kalla þetta hangivöðva , semsagt upphandleggina )

~~**~~

Svo kemur ein felling dálítið djúp fyrir neðan tölurnar...thí hí semsagt á kjólnum, ekki á mér ... ( ég hef heyrt því líka fleygt að lafandi upphandleggir séu kallaðir bingovöðvar...) það er flott orð:)

~~**~~

Klæðist bara vel ,allavega er ég ánægð með hann.... hann er semsagt ermalaus en ég verð náttúrulega að vera í einhverju innanundir vegna ömmuvængjana. Ég kallaði það það alltaf hér einu sinni Því að amma Sigga var með svona "ömmuvængi" ( annað orð yfir lafandi upphandleggi)

~~**~~