kútalingur og uppröðun!!

Góðan daginn !! þá eru jólin komin endanlega niður í kassa hjá mér en úti verða víst einhver ljós út Janúar ... eða til 23. jan það voru tilmæli bæjaryfirvalda og er það bara flott.Þá verður allavega ekki eins dimmt yfir.Annars snjóaði hér aðeins í nótt svo að það var fallegt um að lítast í morgun og allt miklu bjartara. Enn erum við heima ég og Hind vegna slappleika hennar en hún er hitalaus svo ég held ég drífi mig í vinnu á morgun. Þegar ég var búin í sundi í gærkvöldi þá skrapp ég til Siggu vinkonu. Hér áður fyrr þegar ég var að vinna eftir hádegi var ég vön að skreppa til hennar á kvöldin en eftir að ég byrjaði á morgnana þá hefur syfja mín ekki leyft það. Það var eins og við hefðum ekki hist í aldarfjórðung svo mikið töluðum við og ég drakk náttúrulega kaffibolla eins og mér væri borgað fyrir það enda sofnaði ég ekki fyrr en 04:30... Það borgar sig ekkert að vera að fara í neinar heimsóknir á kvöldin ég er búin að komast að því..Geisp zzzz...Það verður nóg að gera hjá mér um helgin. Þorrablót, afmæli og skírn.. Já hún Þórey vinkona ætlar að halda upp á þrítugsafmælið sitt (það var mikið að hún lufsast inn á fertugsaldurinn krakkaskíturinn sá arna.) Og svo ætlar hún að skíra gullmolann litla sem ég held að eigi að heita Ingibergur Heiðdalur Friðriksson. ( guð minn góður þetta er skelfilegt) nei ég er viss um að hann fær eitthvað krúttlegt nafn sem hentar honum vel. Hann gæti borið mörg nöfn bæði stór og lítil hann er svo flottur, eins og sjá má hér fyrir neðan. Sjáiði hvað hann er mannalegur þarna ekki vikugamall. Svo eru þarna tvær myndir af nýju myndinni minni kominni upp á vegg. Hvernig finnst ykkur þessi uppröðun mér fannst þetta eiginlega koma best út. En ég var ein að þessu ( gat ekki beðið lengur) svo kannski er flottara að hafa þær öðruvísi... Anna Lilja hjálp.. Jæja það er best að fara að sinna lasarusi hún er svöng og þá er henni að batna.. Passiði ykkur í hálkunni . koss til allra sem vilja. INGA



Litli stúfurinn þeirra Þóreyjar og Friðriks...í samfellunni frá Ingu ömmu :)

einhvern vegin er alltaf rómantískara að taka án flasssss.....

hvernig finnst ykkur nýjasta myndin mín þessi stóra!!!!? og uppröðunin??