7 dagar í fermingu!

Já góðan daginn! Þá er þetta á lokasprettinum. Allt að verða reddý, vinkonurnar og tengdó vonandi að standa sig í stykkinu við baksturinn. Ég set hér fyrir neðan uppskriftir af því sem verður boðið upp á með kaffinu!

Þessa langar mig að gera en þá reyndar bara á einni hæð. Bara svona til að spreyta mig og gá hvort ég get þetta ekki alveg. nú ef hún misheppnast þá bara verður hún borðuð heima en kemur ekki fram fyrir almenning!..:D Er nú reyndar ekki með uppskrift af henni en ætlaði að hafa bara brúna botna og svo marsipan ofan á og skera svo út blóminn úr lituðum massa. Reyndar er hún svo úðuð með þessu fjólubláa en ég geri það bara einhvernvegin öðruvísi. Því ekki er ég að fara að kaupa mér úðara bara fyrir þetta tækifæri..

~~**~~

 Þessa ætlar tengdó að gera fyrir mig! 

KRANSAKAKA

1 kg hreint marsipan
200 g flórsykur, siktaður
1 eggjahvíta
Í 18 hringja köku þarf 1 1/2 uppskrift

Hrærið vel saman. Rúllið í lengjur og setjið í mót. Smyrja mótið og strá brauðraspi í botninn. Slá raspið úr áður en hringirnir eru settir í formið.

Bakað við 180°-200° C í 10-15 mín í miðjum ofni. Með blástri er baksturstími 8-10 mín.

Flórsykurbráð:

150 g flórsykur

1 eggjahvíta

Blandað saman. Sett í sprautu eða kramarhús og sprautað á hringina með sikk sakk mynstri.

Hringirnir límdir saman með sykurbráð.

Kakan er að lokum skreytt til dæmis með Mackintosh sælgæti, knallettum og/eða fánum. Oftast fyllti mamma kökuna að innan með Makintosh og setti styttu á toppin sem hæfði tilefninu.

                                                              ~~**~~

    OK svolítið ruglingslega sett upp hjá mér en ég nenni ómögulega að stroka þetta út og importa myndunum aftur svo að þið verðið bara að skilja þetta svona!..;)
                                                     ~~**~~

                                                                             

 New york Ostakaka

300 gr digestive kex, mulið í vél eða í höndunum

50 gr sykur

85 gr smjör

kexinu og sykrinum er blandað saman og bræddu smjöri hellt yfir... Því er svo blandað vel saman og sett í botninn á kringlóttu smelluformi og skellt í ískáp meðan hitt er hrært saman


Ostakaka

800 gr rjómaostur

150 gr sykur

230 gr sýrður rjómi (ég notaði 18%)

2 egg

15 gr kartöflumjöl

5 ml vanillu EXTRACT... (ekki essens... ekki kötludropa... alvöru vanillubragðið er lykillinn :) )

ath að ekki er nauðsynlegt að nota hrærivél en það auðveldar verkið töluvert

Fyrst er rjómaosturinn hrærður aðeins til að mýkja hann. Þarnæst er sykrinum bætt útí og þetta tvennt hrært vel saman í um 30 sekúndur. Bætið því næst kartöflumjölinu, eggjunum og vanillu extractinu og hrærið saman

Að lokum er sýrða rjómanum bætt útí en það er gott að hræra hann aðeins í boxinu áður eða setja í aðra skál og hræra þar þar sem hann er svo stífur og gæti annars endað í litlum kekkjum hér og þar í deiginu. Öllu er blandað saman og síðan hellt yfir botninn

Kakan er síðan bökuð við 200 °C í 40 mínútur (styttra ef kakan verður fljótt brún!) og síðan látin kólna í lokuðum ofninum í ca 20 mín og restina á borði eða sett í kæli. Það er eðlilegt að hún falli.

Fáið samt ekki taugaáfall þegar þið takið kökuna úr ofninum og hún dansar til og frá eins og óbökuð kaka                                                            
                                                                
 Þessa geri ég sjálf og alein. Búin að prófa hana og gekk svo ljómandi vel

                                                                    New york ostakaka
                                        
                                               ~~**~~
Frosin rolo ostaterta.

130 g makkarónukökur
100 g smjör , brætt

300 g rjómaostur
130 g flórsykur
1 tsk vanilludropar
5 dl rjómi þeyttur

150 g sýrður rjómi
3 pakkar Blanda smjöri saman við. og makkarónublandan á botninn á forminu. breiða úr, ekki þjappa.
Hræra rjómaostinn, flórsykur og vanilludropa.
Blanda þeyttum rjóma samanvið. Hellið blöndunni ofan á Makkarónudæmið, sléttið vel.

Bræða sýrða rjómann og Rolo varlega í vatnsbaði. Kælið aðeins og yfir blönduna í forminu. Frystið. Berið fram hálffrosna. Gott að hafa ber eða berjasósu.

                      Þessa gerir Anna Lilja vinkona fyrir mig. Hún er bakari af lífi og sál!

Rolo ostakaka                                  ~~**~~ Þessa gera Inga Hanna vinkona og Nanna vinkona Treysti þeim sko alveg. Þær hafa gerð hana áður fyrir fermingu! Frönsk súkkulaðikaka
2 dl sykur og 4 egg þeytt veeeel saman                                                         200 gr súkkulaði og 200 gr smjög brætt                                                         hveiti 2 og 1/2 dl                                                         lyftiduft 1 tsk
	Súkkulaði blandað varlega saman við eggjahræruna. Hveiti og lyftidufti bætt út í. Bakað í 15-18 (ég baka hana aldrei í meira en 15 þá er hún blaut og geggjuð) mín í 25 cm formi með lausum botni eða í eldföstu formi við 225 gráður í 15-18 mín. Á að falla í miðju. Fersk jarðaber sett í holuna. Langbest að hafa vanilluís með:) Hún klikkar ekki þessi:)

 ~~**~~

Svona aðeins meiri fermingapælingar!

~~**~~

Góðan daginn öll sömul. Þá er nú allt að verða komið í höfn fyrir ferminguna. Búið að ákveða matinn og hver á að baka hvað... Er svo heppin að eiga dásamlegar vinkonur sem ætla að baka hver sína frönsku súkkulaðikökuna. Og ein sem ætlar að gera fyrir mig tvær ostakökur. Svo er náttlega ómissandi kransakakan hennar tengdu en hún gerir bestu í heimi. Höfum farið út um allt hér að reyna að fá kjól en ætli að við endum ekki í RVK til að kaupa hann... Er svo "heppin" að þurfa að skreppa til læknis um mánaðarmótin svo við tökum hann þá bara í leiðinni. Hlakka til að fá fólkið mitt í heimsókn og momms og pomms ætla meira að segja að stoppa í viku. En maður getur nú kannski fengið leið á þeim þar sem maður þurfti nú líka að vera með þeim í tvær vikur í janúar..he he.. Allt fjólublátt er inn hjá Hindinni þessa dagana og einkennist fermingin af því. Fjólublátt skraut og fjólubláir skór, fjólublátt boðskortið og þá verður væntanlega að leita að fjólubláum kjól. Henni myndi nú ekki leiðast að vera með þessar kökur sem eru hér fyrir neðan á myndunum. En hún vill enga sérstaka fermingartertu svo að það verður ekki. Vildi bara kransaköku frá ömmu sinni , ostakökur og franska súkkulaðiköku!  Svo svona svo að allir fái eitthvað fyrir sinn snúð þá ætlum við að hafa smáréttahlaðborð líka frá Einsa kalda. Ymmí hlakka til að borða!!!

 Eigið góða daga í vændum börnin góð og lifið lífinu lifandi. einhvernvegin er  það svo miklu skemmtilegra.

 Over and out Ingibjörg er kát!

~~**~~

Hún er flott þessi!! sko kakan! 

Og þessi er ekki síðri

kúl greiðsla finnst mér en fæ engu ráðið um hvernig ungfrúin ætlar að vera um hárið!

smáréttahlaðborð með ýmsu góðgæti!

Svolítið kúl og öðruvísi þessi kransakaka

Fjólublátt fjólublátt fjólublátt...

Hún hélt ekki vatni yfir þessum Jeffrey Campel skóm en móðurinni varð um og ó!! 

Já þessir voru líka alveg að gera sig... En nei sagði mamma gamla!!!
                                                               ~~**~~

Svona fermingarpælingar

 

 

 

 

~~**~~

 

Já góðan daginn. Fékk hér dálítin tíma aflögu í vinnunni þar sem ég er búin með öll verkefni í undirbúningnum mínum til að blogga ofurlítið. Af mér er svosem allt gott. Er nýstigin upp úr ógeðsflensu sem tók viku en er enn kvefuð og stífluð. Komin á mínar vinsælu steratöflur ásamt pústi og og og og...Vonandi virkar það fljótt og vel. Nenni ekki að vera eins og fýsibelgur ef ég hreyfi mig eða jafnvel þegar ég tala.. Ekki gott. Undibúningur fermingarinnar er fyrir alvöru hafin og byrjað að kaupa kerti, servéttur, og borðskraut af ýmsu tagi... Pínu erfið hún dóttir mín með litaval. Það þarf sko allt að vera í "réttu" litunum. Og þegar maður velur lit sem erfitt er að finna þá er smá pirringur í gangi á milli okkar annars góðu vinkvenna og mæðgna....;) En allt hefst þetta nú að lokum vonandi. Hún var til dæmis bara ánægð með það að ef hún ekki fyndi kjólinn í rétta litnum að þá myndi hún bara fermast í gallabuxum og bol. Alveg væri mér sama, hún er í kirtli og það sést ekkert ef það færi fyrir brjóstið á einhverjum í kirkjunni! Fundum þennan rosa sæta kjól í Sölku og hún var svo fín í honum en hann var auðvitað ekki í rétta litnum og hún var ásátt að ef ekkert annað fyndist þá myndum við enda á honum! Jamm helgin framundan og þá er kannski hægt að klára að tæma hin ýmsu skot húsins sem maður er búin að vera svo duglegur við að fylla af allskonar óþarfa drasli. Flest fer óskoðað í ruslapoka sem hent verður hið snarasta. Hef einsett mér það að það dót sem ég ekki nota í 2 ár eða meira þá fer það í hendingskasti beint upp í sorpu. Annað er komið í Rauðakrosspoka og fer þangað öðrum vonandi til þurftar.

 En ég óska ykkur bara góðrar helgar ég ætla að reyna að hafa þessa helgi kósí með mínum heittelskaða Rólegt og rómantískt..hahah Hann er svo mikið fyrir rómantíkina þessi elska...(NOT)

 Bless í bili Ingibjörg á þili!

~~**~~

 

 

Hérna fyrir neðan eru nokkrar myndir af mínum uppáhaldspinnum.

 

 

mmmm þetta er svooo gott..

 

 

Vantar þessa svo mikið við fermingarkjólinn minn!!...:)

 

Á svona eldhús og er svosem ekkert að öfundast út í þetta nema kanski STÆRÐINA!!!

 

 

Jamm væri alveg til í þetta tatto akkúrat á þessum stað bara til að minna mig á...

 

 

 

Fermingarhárið mitt... Stefni á það!

 

 

Þetta outfit er að vísu ekki fermingaroutfitið mitt en væri samt alveg til í þetta finnst þetta algjört æðis!

~~**~~

kvebb og aftur kvebb

~~**~~

Já ok Þetta fer alveg að verða fínt. Ég er svo kvefuð að ég hef ekki fundið annað en horbragð af öllu sem ég borða og þegar ég kyngi og þegar ég drekk. Kvefaðist þegar ég kom út úr flugvélinni frá Florida og síðan er ég bara búin að versna. Búin að vera með hitavellu í 3 daga og hausverk. Finn fyrir hálsbólgu á morgnana og kvöldin. Ætli ég verði ekki að hitta minn eina sanna heimilislækni eftir helgina og fá hjá honum steratöflur. Það virðist alltaf enda með því þegar ég fæ kvefpest, þá tekst mér ekki að losna við hana. Annars er hún nú algjör kuklari hún tengdamóðrir mín og er alltaf með fulla skápa af allskonar töflum og mixtúrum svo núna er ég að éta sólhatt og ólífulauf í stórum stíl. Gáum fyrst hvað það gerir áður en ég fer að ergja Gústa lækni! Hef ekkert nennt að gera þessa helgi svo að ég hef setið í tölvunni og skoðað gamlar myndir. Finn ég ekki þá þessa feitabollumynd hérna af mér. Ég náttlega reif mig úr fötunum og bað Hindina mína að taka af mér mynd um 50 kílóum síðar... Ó guð og ég sem var svo hissa hvað mér var alltaf illt í bakinu! AÐ ég skyldi hafa haldið balance fæ ég ekki skilið!

~~**~~

U.Þ.B 125 kíló niður í 75 kg eða þar um bil!

 Er glöð og sátt með lífið að mestu leyti núna en þarf alltaf að vera á tánum auðvitað og mætti hreyfa mig meira. Er bara B manneskja að eðlisfari en kannski ég taki mér taki með hækkandi sól... Þarf náttlega að nota þessi fínu íþróttaföt og íþróttaskó sem ég keypti mér í henni Ameríku!!

Heilsur í bili og eigið gleðilega vinnuviku framundan. ""Ingibjörg englakroppur!!""

Árið 2013 með nýjum áherslum

Góða kvöldið gott fólk. Kolvitlaust rok úti og stórhöfði u.þ.b að slá met í lægð... Ég hljóma kannski eins og þessar gömlu í torfkofunum en ég finn á gigtinni og geðheilsunni að það er kröpp lægð hér akkúrat núna. Langt síðan ég leit hér inn síðast og margt á daga mína drifið síðan. Fór með stórfjölskyldunni í svo skemmtilega ferð til Florida yfir áramót og fram til 12. jan. Lifi lengi á þessari ferð sem gerði mér og minni fjölskyldu ekkert nema gott. En nú er alvara lífsins tekin við og ég er  næstum því ósátt við það því ég gæti alveg vanist Florida um ókomna tíð. En þá er bara að fara að plana næstu ferð og leggja fyrir. Ekki að það sé einhver afgangur um mánaðarmót til þess í þessu skítaþjóðfélagi sem hér er. Maður verður aumur í afturendanum á því bara að hugsa um hvernig farið er með fólk hér peningalega séð og aðeins nokkrir einstaklingar í landinu virðast geta mjólkað og makað endalaust. Já ég segi það slétt og fellt ég hreinlega verslaði af mér og öðrum rassgatið í henni Ameríku. Það nær náttúrelega engri átt að skór sem börnin mín keyptu sér t.d Converse skór, að þau skyldu hafa geta fengið ferna fyrir eina hér og t.d Timberland skór sem eru svo vinsælir núna keyptu þau á 9000 þús en kosta hér 32.000. Mér verður illt. Levis gallabuxur skinnyfit keypti Hindin mín sér og þær kostuðu 3.500 úti hvað skyldu þær kosta hér... Ekki undir 17.000. Ég gæti haldið svona lengi áfram og fyrir utan náttlega að kaupa í matinn sem var náttlega bara grín!!! En að allt öðru Þá er þorrablót núna á Seyðisfirðinum mínum besta og ég ætti náttlega að vera þar en nennti ómögulega að ferðast þetta núna svona stuttu eftir Floridaferðina. En bara næst... he he segi þetta alltaf en það er að verða allt of langt síðan ég fór síðast. Svo er nú ferming framundan en einkadóttirin fermist þann 23. mars næstkomandi! ÞAð er og verður hausverkur því að hún er alveg með skoðanir á hlutunum... Erum bara búin að vera rúma viku að velja lit á boðskortið því það er ekki sko rétti fjólublái liturinn sem þarf að vera á þvi!!! Kíktum á servéttur í dag og ég hefði getað fengið þessar líka fínu servéttur (fjólubláar) á 30% afslætti en nei takk þær voru sko ekki nógu góðar og ekki nógu flottar og ekki rétti liturinn!!!=(/%&%$)(...:( EN jæja einn strák hef ég fermt og það gekk voða vel og einfalt all saman og hvað gerir það þá til þó að hún sé með smá vesen... Þetta var Pollyana að tala ekki ég!!!:..  :;)

Af mér er það að frétta að ég hef ekki drukkið brennivín,bjór eða léttvín í 3 mánuði akkúrat í dag. Húrra fyrir mér langar samt alveg í rauðvín öðru hverju en skítt með það geri þetta bara í ellinni... he he Og tók svo upp á því að hætta að reykja á síðasta miðvikudag. Hurmmfff... Langar það ekkert og langar í sígarettu t.d akkúrat núna en sjáum hvað setur ég byrja allavega um leið og ég bæti á mig einu kílói!!! Svo er þetta bara svo helvíti róandi og gott... Skamm segir einhver núna að ég skuli tala svona en so what, mín lungu og mitt líf er þakki!!!

Jæja röflríður hættu nú!... Þetta sem átti að vera svo skemmtilegt blogg...

 En bara næst þá! bæ í bili. Ingibjörg frá Gili

~~**~~

 Keypti mér þessa sætu límmiða úti í Ameríku

 Sem by the way kostuðu ekki annað nýrað eins og hér..

 Og handa Hindinni líka!

 voða sætir. Keypti svona líka til að gefa ..

Kostuðu minnir mig um 150 kr

 Bóndadagsblómin svo yndislega fallegir túlípanar.

 Rómó hjá okkur hjónum nú í kvöld. södd og sæl eiginlega ennþá síðan ég bauð honum út að borða hjá Einsa Kalda í gærkvöldi í tilefni bóndadags!!!